聯儲局1月會議 聲明

尋日美fed 議息後公布左一連串令人擔心的事, 也承諾左之前所講, 撤除非常規工具.

例如 :
1. 商業票據市場共同基金流動工具
2. 商業票據融資工具
3. 一級交易商信貸工具
4. 定期證卷借貸工具
5. 與其他央行互換美元臨時流動性安排

都會係2月1日到期.

而目前"定期拍賣工具", 也餘兩次分別係2月8日提供500億美元28日信貸, 及3月8日提供250美元信貸. 至於, 最令小弟關注的 "資產支持貸款工具" ( 如購mbs) 也將在3月31日到期. 雖然有幾位聯儲局成員都表示有意延長, 以及聯儲局在聲明也留一點留轉餘地, 表示如有必要會修改計劃去支持金融及經濟.

小弟認為聯儲局拆除非常規工具, 雖然都是現在成效不大, 但沒有了這些工具, 市場會認為是退市第一步, 跟住是加息. 與您所言, 一旦又出現危機, 就會影響大. 可能我們把聯儲局的非常規政策當作只用一次吧 ! 所以, 會認為它不會再重施故技. 當然,再出招, 威力自然減弱好多, 威信也減一大截. 因此, 小弟覺得美聯儲正等待機會再次擴大印鈔, 通脹出現, 經濟數據利好, 銀行體系恢復, 不得不把工具收回. 可惜信貸系統
未復原之下, 收回止痛藥, 真係要考驗一下伯南克到底想出咩花招啦!!

最近, 聯儲局放風有意更改沿用多年既 " 聯邦基金目標利率" 改以 "存款準備金利率"為新既基準利率. 主席你點睇 ? 小弟覺得聯儲局有此想法, 可能與未來美國既信貸系統組合有多少暗示, 配合新既銀行監管制度 , 促進商業銀行去改變以往既操作模式 , 回饋傳統的放貸, 去填補失去的槓桿, 皆因存款將會有明顯既上升. 所以, 最近一系列既舉動,都有跡象美國不想走回頭路 , 由華爾街坐大, 製造高槓桿去推動信貸活躍,推動消費增長,再推動gdp 增長.

奧巴馬想 " change " 美國的老模式 , 大膽的改變能否得到效益, 都是正在嘗試! 美國消費佔經濟三分之二既狀況, 睇黎會慢慢改變. 奧巴馬想把出口創匯既比重加大, 增加就業, 小弟聽左都唔知擔心好, 定係心寒啦! 美國出口出名貴, 莫非想藉機利用債務貨務化推動弱美元去sale 美國貨, 使新興國家泡沫上升去購買美國貨 ? 哈哈...真係不得而知! 不過, 出口佔美國經濟比重咁給, 都係十幾個% , 想係5年翻兩翻 , 咁貿易保護主義咪要再抬頭 ?! 所以, 小弟都對美國既貨幣政策及施政有好多疑問 ! 但有幾點可以肯定係, 美債規模咁大, 美經濟仍然疲弱, 失業率高企 , 信貸系統未復原, 以及按揭今明兩年面臨利率重訂, 都是需要聯儲局再次出手 , 美元無可能在這時刻企硬. 因此, 弱美元都是有利美國 , 不過會使歐元盟及日本大鑊! 小弟覺得在未來幾季出現"雙底衰退" 既機會都幾大 .....唔再出現通縮,好難大規模印鈔, 宜家只靠低利息又再大規模放水, 都睇唔到復甦可以持續 ! 所以, 為了中期選舉頂住指標唔跌 , 有可能! 因此, 選舉後就危危乎啦! 資本市場唔興旺, 經濟好難被帶起 ; 無理由經濟好, 去推動金融市場吧 ...!


至於, 內地既貨幣政策, 時鬆時緊, 時收時放 , 好難用歐美既模式去看待. 施政方針大於一切,利用貨幣政策, 行政手段及金融市場去製造財富效應 , 使人民多參與股市活動, 把錢散出去,有錢了就快樂, 快樂了就消費 . 國企缺水, 搞好市場氣氛, 抽抽水, 人民的錢借給國家去建設!所以, 內地金融市場不是買家與賣家的市場 , 而是國家與人民財富轉移的市場. 這也符合為大方向, 過去三十年, 小部分人富起來, 還有大部分人窮在骨子裡! 這些富了起來的人, 財富積聚太多, 金融市場及信貸系統是把這些財富分享給大部分人, 也讓大部分脫離窮困. 所以, 小部人享受了富貴, 安穩的生活, 是時候要貢獻社會了. 內地政策市, 睇住民生及建設的需要, 不斷去調控. 在這種的政策市場, 當然不能以歐美那種無形之手在背後的模式去看待. 中央有形之
手去干預市場運作達到施政目的, 股民較容易掌握 ; 相反, 歐美以無形之手去利用貨幣政策及一些大行去控制市場, 這造成弱肉強食, 自然強者越富, 弱者越被愚弄, 成為輸家. 那一個市場較公平, 看以什麼角度去看之, 資本主義是把財富傾側分化 , 社會主義經濟模式是把財富平均化, 中國相信是借資本主義的遊戲模式去達社會主義的大方向.

內地股市, 看著政策走 , 會在勝的一方 ; 歐美股市 , 看著資金流向, 也會在勝的一方. 當一場遊
戲到了盡頭時, 雙方都是輸家, 洗過一次牌.

財富遊戲真是令人筋疲力盡 ! 但勝利的喜悅 , 卻令人樂此不疲 , 也許這是另類的自然定律吧!

退市困擾 動力仍在 ?

先要了解" 退市 " 既招數 , 及 " 通脹 " 上升的因素.

內地09年新增貸款大增9萬幾億人仔, 使樓價谷底反彈, 全國大部分地區都大升, 導至民怨沸騰. 大量放貸及國際原材料價格上漲 ,都使物價脫離通縮, 走向通脹. 在計算通脹的步伐時, CPI的量度指標會注重在民生相關, 如消費品,食品等 , 而樓市非屬這一類 ! 在大量資金流入市場中, 會先讓投資投機的產品受惠, 如股市,樓市,商品 等, 再蔓延至CPI 相關, 如食品. 形成投資品出現高通脹, CPI 也開始出現通脹, 波及民生. 當通脹上升時, 貨幣供給需要收緊, 否則再大量供應就會使物價飛升, 形成高通脹, 甚至形成頑固的惡性通脹.

所以, 通脹一旦出現, 而且比預期來得更猛, 央行需要收緊資金供應鏈. 最普遍的做法是 . 第一步,發央行票據, 抽緊市場流動資金 ; 第二步, 加銀行存款準備金, 對放貸市場全面影響; 第三步, 加息,可以以不平衡方式去加減存貸. 而中央慣常是利用組合拳, 即用貨幣政策及行政手段, 利用政策去收緊過熱板塊, 這是直接影響市場, 也是效果最佳. 形成板塊變動, 不會影響整體宏觀政策, 又達到治理過熱板塊及收緊銀根,又可以降低通脹加快上升. 不過, 這種政策干預, 和利率及貨幣手段, 會影響市場情緒及資金流向, 對股市是相當不利, 尤其受影響板塊, 更會出現恐慌性, 加快汰弱留強! 要了解中國既行政手段, 過去一直運用 貨幣及政策都是傾向 " 一放一收 " , 形成使市場出現的現象是 " 政策一放, 市場就亂 ; 市場亂,影響秩序及民生, 政策會收緊 ; 當收緊後, 亂態不復 ,卻提不起勁 ,不利經濟 ; 於是在經濟回落時,又再鬆開政策, 再放任市場 , 經濟及資本市場再活躍....." 循環地進行!

因此, 退市 是收緊資金供應及方向, 務求使過熱板塊減速. 但中國仍然處於經濟不穩期, 中央需要持續放貸出市場保就業保增長, 否則過去貨幣供應所造成的預支通脹, 會向下修正, 影響面更大! 如上文提到, 中國的政策是　”時緊時鬆，時放時收 " , 按情況而論! 以鄧小平既建設方針為主導, 經濟要不斷向前, 大趨勢不變, 中間有適度的調控是必需, 目的是要達到長期增長, 使中國走向富強, 人民衣食無憂 , 生活安穩!

如果以中國今年的政策, 第一季因通脹及樓市過熱收緊 , 是預期舉動! 當然, 收緊政策, 對股市是不利!過去一年股市炒復甦 , 通脹預期, 資金源源不絕提供! 今年會有所改變, 通脹上升, 央行無法不斷源源不絕提供資金 , 所以市場在供應上有所減少. 形成焦點會放在 , 到底市場目前的資金水平處於那一水位 ?! 這可以睇銀行同業拆息, M1,M2 差值等 , 外圍可以留意 美元三個月及一個月 LIBOR ! 現時, 這些資金指標都不見有短缺既現象 . 所以, 1月份的跌市, 只能屬於中小型調整而已! 除非3月31日, 美國真的停止購債計劃, 到時債市及按證市場如何走勢, 會對整個市場產生較大波動. 這關乎美貨幣政策變動!!

因此, 市場認為目前通脹上升, 經濟已連續兩季增長, 復甦確認 , 把焦點由過去救市, 轉至經濟增長及通脹預期. 影響股票市場最大是貨幣供應及流動性 ! 如今, 供應有收緊, 自然使過去一直炒資金不缺, 使估值大幅炒高既股份會出現明顯跌幅 , 這是回應資金流向有所改變的事實! 由於 , 市場資金成本仍然處歷史低位, 息率也處極低水平, 有利資產市場. 而且, 政府政策在經濟穩定及持續增長同時, 也不會願意貿然收緊貨幣政策, 這也會再次鼓勵資金炒作與通脹預期板塊! 原因很簡單, 當資金不願大幅收緊, 通脹預期會加劇 , 資金會擔心通脹使紙幣貶值, 及債價下跌, 於是便在穩定的環境 , 尋求高回報的行為持續! 所以,與通脹相關行業會被睇高一線 , 其他行業較貼近實體經濟, 而生產力仍然過剩, 原材料上升, 會打擊毛利率, 所以在未來一段日子, 難以整體大幅回復高峰期. 市場預期為何樓市會再升 , 都是基於央行的貨幣政策過去放得太多, 但不會在失業率高企, 經濟弱勢之下大幅收緊, 所以, 便會有利投機環境! 當然, 這種的趨勢, 會否使股市再次大幅上升, 都是要一步一步去留意貨幣政策的轉變! 畢竟要股市一路上升, 資金是相重要 , 資金炒作信心會依賴政策變動及實質的數據指標!

現時, 杜道以三支大陰燭開始進入調整浪 ! 恒指自去年11月中見 頂後, 進入調整浪 , 如今恒指出現罕見的
"頭肩頂 + 大型島形頂 " 形態! 島形頂如 泰山壓頂, 在2009年10月7日上升裂口 和 1月22日下跌裂口, 剛好留下 4點 的橫向裂口, 形成 " 泰山壓頂" 格局. 而恒指技術指標處於超賣區 , 到底能否在短時間內反彈至下跌裂口約 20824-20828 , 補回此關鍵裂口! 而 上證已跌破3039 支持位, 下一個支持位在大陽燭, 以及底位2923 . 上證 RSI 6天處18, 12 天處31 ,屬超賣. 而成交量明顯減少, 跌市減少屬較好. 以及委比也出現上升! 因此, 過去指數RSI 超賣水平, 多會出現較大反彈力.

補充一點 , 牛証街貨在19600-20000點 , 屯積左大量街貨, 相等於過千張期指. 輪商會否藉機, 食番轉呢??伯南克連任再獲白宮支持 ! 而恒指支持區在19425 ! 按黃金比率 卻在 18600 ! 以及在牛熊關鍵位17185!!

動力方面 : 內銀股中 , 工行, 建行, 中行相繼發行次債集資, 可以滿足今年資本充足, 理論上已出現動力!! 不過要切底增強動力, 最好是批股集資, 這也不利股票市場! 所以, 內銀股的資本充足水平, 會是未來左右大市的關鍵! 2月11日, 公布1月新增貸款 , 又接近新年長假期! 如果歐美方面較負面, 按理假期持重貨較為不利!

所以, 此前夕的交投量會成為假期後的指標 ......! 由於今次新年長假不同聖誕 , 聖誕屬全球性放假, 但新年屬大中華地區而已 !

香港樓價 升跌基本因素

小弟分享一點關於樓價能否再升的睇法, 簡單地這從 高地價政策, 供求及 樓按方面睇, 再睇什麼事件會影響樓價!


香港樓市主要是靠高地價政策, 呢個係重點! 點解要行高地價政策? 因為香港政府稅收低, 稅基窄, 如果每年靠利得稅, 薪俸稅, 博彩稅, 印花稅等, 係唔夠支持龐大既經常性支出, 公務員系統受制度保護, 令政府進退兩難 形成無法減少支出! 大家都知, 一減公務員人工, 幾個工會好團結咁遊行示威, 又打官司, 所以呢方面想動都難! 唯有開源啦.... 香港人口多, 地方少, 資金大量進出,發展房市是較容易谷起經濟及稅收 等等....不講利弊, 只講點樣去扶持樓價.

政府如何支持樓市, 好簡單, 首先係供應土地方面, 勾地表政策是把供應既權力交俾地產商, 佢地想幾時要地, 幾時勾出. 形成每年的硬性需求會慢慢消化每年少量的供應, 只要整個一手落成量低過需求量, 樓價自然就會升. 呢一點土地供應是第一個因素.

第二因素, 是政府在勾地表上有一個意向價, 呢個價格係控制左未來落成新樓既價格. 就好似最近大埔相連地, 炒到地價成 7千元一尺, 未來要賣到一萬元/尺. 如果政府以低少少既價格賣出, 那發展商難以有藉口抬高價格. 未來兩,三年會以一萬元尺開售, 那現時既二手樓就有上升方向, 使價格距離收窄. 只要銀行肯估足及足額提供樓按, 升上去無咩問題.

第三因素, 銀行的樓按成數及按息, 自金管局放棄調控利率權後, 利率浮動任由銀行按自己本身去定高低, 如果銀行體系錢太多, 存貸比率低, 那銀行樓按息會較低, 而且政府保護房市, 銀行也助一臂之力, 借足錢俾無錢既業主買樓, 政府又放寬二按, 只要有一成首期, 甚至簽個名都可以買到樓, 呢種做法是加大左需求量. 銀行萬一吸納太多按揭, 按揭證卷公司就會買走多少, 使銀行鬆綁! 呢種做法形成政府透過類似 "房貸美 " 既機構, 解決按揭. 不過, 美其言係投資, 疏導市場, 真實是頂住銀行的資金供應鏈, 拓樓價.

第四因素, 政府在需求方面也加大層面, 例如, 投資移民, 專才計劃等. 在投資移民既條件上, 只要投資650萬以上物業, 並持有幾年就可以得到香港身份證. 這不但增加需求, 也使二手供應減少.

以上都是利好樓市既要點, 其他也不講啦!! 香港樓價能否再升 ? 其實要睇土地拍賣價, 因為今天的拍賣價, 就是未來兩,三年的指標樓價. 勾地價高, 地產商有控制供應話事權, 競投地價也是同業, 而且, 銀行會低息借給地產商資金買地, 在這種優勢之下, 樓價能不升嗎? 為何每次賣地, 附近d 二手樓都傾向封盤, 就係望土地拍賣價又升, 帶動二手樓有希望再升. 呢種是一種類傾龐氏騙局既運作. 政府控制土地價格及供應, 發展商同政府合作控制每年既土地供應量, 銀行會按需求調整按揭利息及成數, 所以每年的需求就會使樓價不斷增長. 如果樓價過熱或民怨增, 就會透過金管局限制按揭成數, 控制需求量, 使供求平衡, 樓價會跌多少. 當然調整按揭成數, 由七成, 降至六成, 影響輕微, 只會影響部分過熱既溢價而已. 市場上, 就會出現成交量冷卻. 所以, 銀行是樓市的催化劑.

在政府眼中, 樓市是一個豆腐, 想整爛佢話咁易! 當然政府唔會咁做啦!! 政府見到好多人買唔起樓, 就會起居屋,公屋, 等嘈個班無瞉蝸牛有得住. 而有樓既人, 見到樓價穩步上升,自然不會埋怨, 形成政府左手幫窮人, 右手頂住樓市, 得到既錢去補貼俾剝削既窮人及解決政府每年增長既開支 , 以及發展更多既有利樓市既藍圖. 呢種做法, 就好似傳銷咁, 只要下線有不斷新的需求, 整條線都可以生存.

所以, 要睇樓市係咪泡沫或過熱, 其實無一個固定指標! 但有一種較有效既做法, 就係睇住銀行體系既資金成本, 當銀行唔夠錢或聯匯關係跟美國加息, 自己會上調樓按利率, 咁供款成本大增, 業主就減低其他方面支出, 形成循環, 最後打擊經濟! 失業率上升, 情緒及信心會打擊每年既需求量, 形成斷層! 樓價不能沒有需求量, 因二手樓既空置率大, 出租率扺消不到供款率, 就會使業主有壓力, 自然出售意慾大增! 以及利息上調使持貨成本增加, 便增加出售機會. 因此, 最有效睇樓市係咪泡沫, 睇實二手成交量, 銀行利率, 失業率等. 其次是民怨, 越大既民怨, 就會迫使政府出手, 因政府一出手, 樓價是會有秩序下跌, 不會垮. 只有外圍衝擊, 使一些按揭質量差既業主難以供款, 以及投機盤大量增加, 樓市就無法救, 要跌至谷底. 呢種就似 美國次按.

在預見既未來, 美元利率上升, 美元上升, 就會消除樓價既溢價. 這溢價如何計算? 可以按貨幣供給, 即m2 增長率去推算, 因貨幣大量增長, 多會流入樓市股市. 09年m2增長近60%. 這60% 是通脹. 樓價應已反映.... 當通脹低, 美元無貶值, 那樓價所出現既溢價, 自然會向下尋求與實質需求相抵! 不過, 香港的通脹是屬輸入型通脹, 這會嚴重打擊經濟, 以及樓價上升, 打擊零售業, 所以, 當m2, m1下跌時, 樓價自然壓力大增. ^^

不過, 只要政府仍然走高地價政策, 經濟仍然能持續增長發展,趁低買樓是致富之路 ! 當然買賣樓要講時機 , 那段時間適合出手, 要自己決定啦! ^^