等待 匯豐 業績

[ 2009 年2月27日 星期五 ] 收市 恒指 : 12811 - 83

今日整個大市成交偏淡 , 上午成交唔夠二百億 , 全日成交380億,當中有幾十億係競價時段成交 !

而競價時段 , 中行大手U盤有4.6億股 , 建行有2.5億股成交! 大盤趁尾市易手, 可能同呢兩日傳美銀準備沽建行有關, 或許令之前部分中資背景基金, 趁高易手,再接新貨 ! 如果以2.5億股建行,加4.6億股中行, 總金額有16億元 !加上今天係msci 指數調整, 中行及建行比重增加! 小弟一直有一個監管疑問, 點解證監可以
容許市後有共鳴咁大手set價出貨!

今日盤中, 已經傳美政府會行使花旗銀行優先股至持普通股, 等同直接持股花旗 !對花旗股東不利, 亦對國債增加風險, 儘管消息令一眾歐美銀行大升, 但相信只是短暫, 主要係早前沽空盤造成平倉既效果反應係股價之上!! 如果以目前走勢, 花旗好大可能會被剔出杜道 !

另外 , 今日大市等待匯豐業績, 匯豐在交易時段有支持 , 但競價盤反而下跌! 早前大摩放風可能高估匯豐需要集資既金額 ; 呢種情況雖然以往曾經出現過, 但並不尋常, 因為好少大行係有目的咁沽一輪後,短時間取消之前既報告再出另一個報告,咁做會令聲譽受損 ! 自從去年月開始, 歐美大行角力做話事人 , 已經大家亙不相讓, 相反地今次係匯豐公布業績前, 齊齊降匯豐目標價至 低過50元 ! 市場營造一個氣氛,假如匯豐無咁需要集資或馬上供股 , 會對股價有支持既言論,呢種說話小弟並不同意!! 現時, 焦點在匯豐業績 , 到底點? 下星期一就知道 ! 不過, 如果匯豐出既業績比市場差, 馬上宣布供股, 那正正三月等待既壞消息殺到 ,所以不要只以樂觀睇匯豐,也要衡量睇匯豐 !

另一方面, 成份股之中, 今日見到大戶力頂 5 , 941 ,883 , 但內銀股受到美銀沽建行而偏軟, 尤其係工行, 佢係4月底有一批策略股東既h 股被解禁 ! 而中行既走勢係三線匯聚似有支持 , 如果以慣常走勢睇, 佢會升至 2.23左右 , 但成交額不配合 ! 反而有單日逆轉既勢頭 ! 之前, 當炒既 ,煤, 金, 內房 航運 都偏弱 ; 金股因金價下跌 ,煤因A股傳GFII 撤資及月底游資找數,及煤價下跌 ; 內房, 受到雅居樂傳言行賄大摩高層而被拖累 , 空穴來風未必無因 , 大家小心 雅居樂 ! 佢已經出現被基金洗倉危機!仲有一隻係 (682) 超大現代, 前兩日市傳佢批股係想回購5月到期既NOTES , 但咁樣會唔會被有心人質佢落去 , 可能性都幾大 !!

星期五晚 , 市場又傳 美白宮可能把兩房6.6萬億美元既負債列入 負債表 !! 呢一件會係一個決定 美債及黃金走勢既要素 ! 不過暫時只是咨詢及評估階段 , 但已經俾市場一個暗示, 發行巨額美債去應付財赤及救市資金將近頂點, 所以三月美政府會如何舞美元及美股 , 拭目以待 !!

985 中國科技 供股招數

[ 莊家招數 ] 26-Feb-2009

今日想同朋友們講一講細價股, 點解熊市要遠離細價股? 因為不怕佢業績差 ,亦不怕要等, 最怕佢供股兼幕後不務 正業專搵小投東笨 !!

所以近期傳媒大吹電盈私有化最搵笨, 幕後玩財技昆小股 東等等! 呢d指控亦算成立,但係香港以財技搵食既莊家,實 在太多, 尤其在細價股 ! 因此,電盈幕後比起細價股, 算係 小巫見大巫! 不講電盈 ,講一講細價股....

尋日公布大比數供股既(985)中國科技, 在之前把股本25合1 後, 再宣布 1供5, 每股供股價係合併後 0.15元. 等小弟計一計 如何搵笨!

首先, 中國科技係2007年9月左右巨額批股集資近20億元收購 金屬礦 之類, 然而股市形勢有變,及時懸崖勒馬,終止收購,令公 司持有大量現金 , 可以話係純現金公司! 以當時持24億元現金, 已發行股本 132億股, 相當於每股0.18元, 亦是純現金!!

及後, 公司管理層把三分一資金投資, 最後梗係輸到一大截,去 年9月止上半年, 虧損4.2億, 但仍然持有現金等值近15億元,加 埋未套現既投資,應該扣減債務有17億元左右! 08年7月,公司發 左一張總值1億元CB , 行使價0.1-0.12元/股. 這等於以0.1元可 以買到價值0.128元現金 . 當時股價仍然低於CB 0.1元換股價, 因 此不會被行使,但股價卻因大市下跌,及基金清貨而急跌至最低 0.016元! 去年10月尾市況回穩,股價回升至0.066元, 如果低位買 入都幾和味, 有3倍利潤! 可惜及後公司以一招 "削減股本",把股本 產生的虛擬盈利,扣減累計虧損, 因為要派息需要把累計虧損變 為正數 ! 相信這亦是正面做法 ......削減股本後,再把股份25合1 , 把總股數由132億股濃縮至5.3億股左右! 去到呢一點, 唔出陰招 係值得吸納此股!! 因為以1月中高位0.066元, 25合1後, 1.65元, 每股現金水平亦有3.2元, 截止08年9月及未計入1億元CB. 所以非常超值 !!

不過, 俗語話股市係一個老千集散地, 弱肉強食既地方, 一隻咁肥 既雞,咁容易減便減折送俾人? 所以聰明既管理層尋日公布1供5, 總要以合併後每股 0.15元 供, 折讓達87%.....! 計一計上次發CB 1億元, 合併後每股等於2.5元, 現時以 0.15元 , 哈哈....如果以1股 比1股計 , 3.2元現金, 大優惠以0.15元賣出去! 但咁計係唔公平, 要 以1供5股計, 如果持1股合併股, 就供5,每股0.15元 , 總股數等於 5.28億股 X 5 = 26.4億股 , 額外資金投入 = 3.96億元, 如果計攤薄 股權已佔總股本 83%. 再計番未計入供股3.96億元, 新股已佔去 公司原有17億現金的83% , = 14.11億元 ! 等於用 0.15元換取0.534元. 如果以總股本及總現金計 , 1供股0.15元等於佔去0.66元 !

呢個可以出豉油換雞既方法, 真係只有香港散戶獨守, 可惜散戶是 肥雞ONLY ! 以今日(985)中國科技 收市 未合併股 0.031元, 合併等 於0.775元 ! 如果以理論除權價, 周一收0.049, 25合1 =1.225元, 除權價 = 0.329元 , 由於合併要等待下月5日,所以除番25合1 = 0.013元! 今日收市 0.031 元......除權去到 0.013元 ....中間仲有0.018元, 你估 莊家會唔會食左佢呢?? 另外,唔供股 以除權價 相對周一收市, 蝕讓 0.049元-0.013元 =0.036元 (73.4%) , 而1供5股既 , 1股要俾多 0.03元, 所以呢一個係典型既昆水格!

再計番之前發CB 1億元, 以0.1元可換股10億股 , 咁現時成本只需由 0.1元急降至0.006元, 換取10億股=600萬元 , 未計供股, CB 可佔總 股本已攤薄 7%, =1億元! 現時CB相信不合被行使, 如以1億元可換取
未合併前的166億股, 可以買左成間公司! 但佔已合併已攤薄的21%! 所以在熊市買入細價股真要三思 , 可以把1萬元, 最後得 幾元都得!!! 因此, 股災最怕係揀錯股, 買中昆人股,真係永不翻身!!!

所以朋友們, 小弟以 (985) 這一隻股作參考, 幸好佢係一隻現金股, 但如果買D 無業務,財務狀況又差既, 會咩結果呢??!! 要自己三思啦!!


註: 以上數據只是取自聯交所文告, 非絕對真確無誤,只供參考而已! 以及只是小弟的個人意見及睇法!

匯豐 真正的價值 (三)

環觀世界目前形勢及趨勢, 尤其歐美地區的銀行體系, 出現骨牌式倒閉潮,逼使政府出手相救!市場經濟主張小政府大市場, 以市場既供求規律等運行, 但現時這系統出現根本問題,也是市場經濟的調節能力完全失控, 因此令以銀行體系為主要資金源頭的經濟, 紛紛資不抵債,虧損連綿,導至整個金融系統出現漰潰!

由於多年來歐美經濟都建基於"先消費後付款"的模式 , 只要有資金流入, 把高風險包裝變成一種必贏的產品, 務使投資者深信這就是賺錢之道!! 現時, 骨牌終於倒下, 銀行首當其衝, 政府能做的只是以發行國債籌錢救銀行, 使銀行資金充裕,令其可以貸款至各行各業, 使到百業得到水源既灌溉,不至於枯死 !

話說回來, 歐美銀行連環扣咁經營, 一個大銀行出問題, 會牽連大部分銀行; 現時大部分銀行都出問題, 那又有哪一個歐美銀行不受影響? 不論是強是富, 只要明白歐美銀行的經營手法, 就會知道這金融海嘯,第一個大浪是直捲銀行體系!! 美國華爾街投資銀行, 一年內已消失 ; 大型商業銀行, 如花旗,美銀等都出現資不抵債,需要政府斥巨資救命! 但只是救到一時, 並不代表脫險, 就算唔破產,都會被政府既資金攤薄投資者的股權, 變相化為烏友! 現時, 英國經濟的問題, 不下於美國,眾所周知英國樓價屬全球數一數二貴既地方, 今時今日下跌幅度也是數一數二,對銀行及經濟的衝擊越來越大 ! 正如當年英國人在香港回歸前留下的樓市地雷一樣 . 威力十分驚人!! 香港彈丸之地, 有祖國可背靠,幸好當時祖國經濟仍是起步階步, 有足夠財力及政策支持香港,令香港在政策及資金上得到無限支持,使樓價回穩! 不過後遺症到現時也是深深影響香港人!!! 可惜英國現時沒有可以倚靠的財神, 使到英磅水銀瀉地咁暴跌..........!

英國銀行龍頭 , 都相繼出現問題 , rbs 錄得有史以黎既巨額虧損; 巴克萊憑上半年佳績,化解部分下半年既跌勢, 令業績大倒退 ; 萊斯頻危邊緣 ; 渣打供股補充資本,算是不錯; 匯豐真的令人十分憂慮的一間!! 業務多元化, 不過大部分集中在風險較高的新興市場, 英磅,歐元下跌, 美國業務拖衰家, 香港業務如無意外都會出現倒退 , 最後的新興市場業務 , 唔出現虧損都算不錯!! 但從業務分佈角度, 管理層角度, 派息角度, 匯豐是一間值得信賴的銀行!!!!

不過, 現時全球經濟環境仍然充滿迷, 到底銀行業是否已脫險, 會計入賬制度及資本充足率是否可以化險為夷,真的十分不容樂觀!!! 所以, 以投資者角度睇匯豐, 現時只擁有短線炒賣的機會, 6個月以上投資, 其投資價值幾乎等於 " 零" !

不論大行評匯豐只值33元或目標49元,52元 , 如果以全球的經濟, 問題的解決進度, 銀行體系受損程度都是難以樂觀 , 枉論今年下半年經濟見底 ! 所以以匯豐股價在60元以上作長期投資, 要蒙受的風險是巨大 ! 我們作為投資者要為自身的投資謀求增值及保值, 以匯豐目前存在根本性的危機,更不能如以往視作必買之選 ! 但作為存戶, 反而不用太擔心 ! 因此, 在匯豐股價未來仍然有大跌的機會, 亦有尋求集資及注資的需要 , 大家要明白, 假如匯豐跌至市值只有3千億 , 英政府注入200億磅計, 股權被攤薄的危機, 而且增加資金貸出市場的風險, 逼使匯豐每年為壞賬的撥備達至天文數字, 能如以往賺錢? 固定派息給股東嗎?? 前兩日奧巴馬剛透過電視直罵美銀行派花紅給管理層無恥, 要收回等行動, 股息也只能以施捨的心意派給股東 !! 我們作為投資, 最怕遇到這種違反市場經濟規律的運作 !!

最後, 小弟對未來歐美的銀行業都存在很大的疑問, 而且不樂觀! 所以小弟認為現時匯豐的長線投資價值等同"零" , 反而短炒價值就比較大 ! 至於未來經濟環境轉好, 匯豐是否會重現昔日光輝, 值得作為長期投資 ? 小弟亦希望會盡快出現這一日的來臨!!