大市簡評 8月19日 收市後

8月19日 ( 星期三 ) 簡評

恒生指數 收市 19954 -352點 成交 644億

8月期指 收市 19999 -221點 , 高水45點 , 未平倉合約 87755張 增加 1125張 .


今日恒指上半日受外圍偏穩 , 牛皮格局 , 上半日成交再次減少! 上證下午開始 , 受信貸資金可能被中央大力收縮影響, 再次下滑! 上證今日跌穿 黃金比率0.382 , 2785點 , 最低2761點 , 收市剛好企穩 2785點 ! 按收市理論, 今日點線, 如果未來三個交易日持續向下調整 , 黃金比率 50% , 2571點, 是最關鍵
位!

上證rsi 已經踏入超賣區 , 頂位向下既下降軌出現較銳既角度, 10天, 20天持續急速向下! 或許上證就快出現 消耗性裂口 , 那就是短暫回穩既迅號! 所以 , 上證如果出現破腳已回升既大陽燭, 可能要多加留意, 呢種是慣常在急挫後, 隨後所出現既反彈 , 會持續約5-7天! 隨後再調頭回吐整固, 才算是打好底部! 當然這是一種可能性 ! 也許, 底部牛皮橫行也有可能! 但小弟認為過去15天上證調整, 每日平均既波幅區也達3% , 所以超賣反彈應屬較急!

恒指方面 , 今日恒指已是第三日在20天下面收市, 成交持續下跌 , 9天, 14天rsi 已經跌穿50 , 進入弱勢區 ! macd 也貼近水平 ! 按過去macd 在3-7月所形成既頭肩頂,7月中恒指反彈, macd 未能升穿 頂位便回吐 , 形成雙頂! 這也是對中期走勢不太利! 相反, 如果未來升穿雙頂, 也是一個升勢啟示! 其他技術指標也處於弱勢 ! 保力加通 道底部約 19791 , 由於上下通道持續收窄, 指數處20天下方, 弱勢 ! 自3月升浪, 指 數曾兩次下試貼近通道底部 , 皆出現反彈 ! 以6月尾既反彈, 受制在通道頂及 18888點三頂位阻力區 ! 這也是因成交量持續下降, 未能在反彈浪開始配合, 所以便 出現7月初至中既下跌浪 , 而這下跌浪, 也是在跌浪之中, 成交持續偏低, 至出現大 陰燭下跌, 恐慌性緒困擾下 . 在點到通道底部後, 即出現大反彈, 成交配合 ! 這一升 便順利衝破18888至19161 阻力區 ! 所以, 在恒指成交量續下跌 , 反彈是乏力! 如果出現受外圍既反彈浪,需要留意成交是否配合增加 , 假如未能配合, 兩周左右又 會再次回落 !

歷史走勢方面 , 上證在2007年大升浪時, 也曾出現資金泛濫現象, 當然經濟背景是 不同的! 當時, 上證勢如破竹, 連破重要 千點關口 , 例如. 2007年2月, 上證因中央 干預而下跌, 當時外圍也因套息問題等下跌 , 與上證走勢一致 ! 但到了5月, 上證再 次干預下跌,港股反而無乜影響 ! 這也是在3-5月期捫, 港股並沒有隨上證急升而升 , 反而持續回穩整固!如果按時間上, 恒指與上證既波動 , 恒指有2-4個月既滯後 ! 按
過去上證出現過熱情況,中央干預既回顧 , 上證在初期有反應 , 回穩後是可以再升破 頂 , 大約在8個月左右便見頂!! 期間, 尾浪會出現比較急既升勢 , 而恒指與上證也會 出現同步既現象 !! 但有一點要注意,如果以2007年走勢睇 , 上證5月調整, 資金流入 港股 , 隨後恒指也隨上證反彈 , 至8月左右受壞消息急挫, 隨後也因資金自由行而急 升 ! 當然, 當時背景不能與今對比 , 但恒指在資金流向方面, 如果上證急挫, 恒指無
點跟隨, 那隨後上證反彈, 反而恒指可能會逆向! 這一點也要留意 !!


恒指重要支持位在 19663點 ! 這是由17185 上升浪既回吐 0.382 !
而最重要支持位在19190!以及19161-18888 重貨支持區 ,
因此 19190-18888, 也是短期恒指最後防線 ! 不能跌穿!!

大市簡評 8月18日 收市後

8月18日 (星期二)

恒生指數 收市 20306 +168 點 , 成交 714億

即月期指 收市 20220 低水 86 點 , 未平倉合約 86630張 +3026張


今日上證走勢反覆偏穩 , 收市上升約40點 ! 大型上升浪既黃金比率回吐位 ,
暫時在 0.382 , 2785 點 有支持 ! 但過去幾個交易日, 上證也出現梅花間竹
既跌勢 , 所以需要再觀察 , 最好是等待10天回穩 , 才能斷定上證既走勢已
短暫觸底 , 否則也是以保守既睇法, 睇一睇上證可唔可以在2785附近打底!

美元指數受制係79.4 呢個平台阻力區 , 以及今晚美國公布既數據也意外偏
差, 使美元轉弱 ! 因美元走強是市場避險既現象 ! 下周美國又需要再次發債,
美元會否再次偏強, 衝破79.4平台阻力呢?以macd 走勢向上, 是有機會的!!
9月美國財政年度 年結, 相信美元會受到支持 !

而港匯在今個月金管局400億增發票據, 未有熱錢再流入, 同時也受到內地
"動態微調" 影響上證走勢之下, 也令港匯偏軟 ! 在港熱錢未有大量流走跡象,
銀行短期拆息仍然處於極底水平, 拆借資金壓力輕微 ! 對銀行維持低利率既
環境, 未有改變!

恒指方面, 昨日恒指受上證急跌影響, 跌穿20天收市, 短暫走勢偏向弱! 技術
走勢仍然未出現多見底背弛現象 ! 保力加通道正在受窄, 待變格局! 而macd
及rsi , 仍然處下降軌 ! 恒指走勢, 仍然受制於昨日既下跌裂口, 今日成交未能
大幅上升, 反而相對昨日下跌, 呢一點會影響反彈動力! 期指未平倉持續增加,
按走勢應屬好倉底 , 而且未平倉張數也是近幾個月平均之上 , 單邊走勢有一
定啟示 ! 過幾個月既上升浪, 期指出現既見底背弛, 強勁反彈既底, 剛好是大陰
燭作底 , 呢一點, 小弟認為可作一個慣性啟示 ! 而且, 如今市場仍然彌漫淡風!
如果上證在未來幾日再持續向下調整 , 假如跌穿2785, 恒指被波及既力度會更
大 ! 所以, 現時也是外圍市影響恒指走勢 !

小弟認為策略方面, 應該先等下跌裂口回補再作進一步部署, 畢竟大市已跌穿
20天, 以及今日未能即時反彈重上20天收市 ! 只是恒指方面的未平倉增加, 誘
導市場睇法傾向好倉底, 到底熟真熟假, 也是未能作準的! 反而期權方面, 傾向
淡倉居多 ! 股票期權方面, 內銀行及匯豐既好倉比例較多 ! 呢一點也是不能對
大市有太大既方向啟示!

小弟以一個慣性既走勢作觀點, 或者等多幾日, 如果今個月好倉底, 那希望藉外
圍走勢出現一個大陰燭底 , 這時候如果成交急增, 是入市機會! ^^ 當然, 到時
小弟也會再詳講, 現時只是預測會否出現慣性既見底背弛走勢而已 !!

小型股今日有多隻都急挫 , 內地關水喉言論遍佈市場 , 莊家股無運行! 今日所見,
尤其當炒既概念股, 下跌幅度會較大 ! 這相信與資金流及市場氣氛受影響有關!!
小弟再次提醒朋友們, 下半年應該遠離細價股或炒股 , 如果股市再次破頂, 相信
莊家會藉此大量散貨多於再次炒作破新高 ! 風險也不斷提高 ! 買這些股, 最好定
止蝕位, 保本至上!!

今個星期內銀股公布業績 , 睇下天量新增貸款, 對銀行半年業績有咩影響! 市場
預期大銀行盈利兩位數上升 , 如果相反, 那市場會擔心銀行既壞脹問題 ! 呢點變
化要注意 , 當然這些只是短暫現象! 補充一點, 基金經理在下星期開始休假完畢,
股市會較波動 ! 現時, 留意上證走勢吧 !!