今晚簡單d更新一下杜指及恒指走勢 ....
首先講一講杜指由1月起既下跌浪 , 此一浪受到金融股業績及數據變壞而帶動開展近兩個半月既跌浪 , 雖然此一浪反彈仍然未完成 !如果以頂 位計反彈 50%, 即頂位 9175 , 底部6440 , 50%位= 7807. 所以反彈浪
需要超越此位, 才能算初步完成 ,相反反彈不到50%位 ,代表即將延續下 跌浪, 而且會跌穿上一個底部, 形成一浪低於一浪 !! 但如果反彈浪可以 升至8130以上, 代表整個跌浪完成! 而杜道今次反彈浪仍然未超越一半, 而且50天線差不多是 反彈浪的50% , 變成重要阻力位! 亦是代表6440 呢 一個位係咪短期底部!
另外, 如果以杜道升勢分析, 主要靠金融股及fed出口術 ; 而且債卷也能 如數銷清, 令美元持續偏強既局面暫時抒緩 ! 這一次跌浪,可以帶給我們 一點啟示 ....
1. 美元升勢, 股市下跌 , 債卷發售 這三角關係已經聯成一線!
2. 美金融股 , sec , fed , 評級結構亦成一致性.
3. 杜指波幅受言論波幅大, 代表美股亦步入政策市方向 !
4. 伯南克言論今年年底前, 美國衰退停止, 意味未來加快印銀紙速度!
5. 美債發售需要上下配合做一個大龍鳳, 明顯奧巴馬政府已沒招可出!
總結, 美國經濟仍然未反映硬著陸既局面, 數據上只在製造及工業方面 比較明顯, 而這些數據亦是領先實體經濟, 因此第一季的數據會逐步加 劇惡化! 銀行體系的信貸緊張, 嚴謹放貸, 收緊信貸等令資金回流的做法,
到底令經濟有多大既摧毀性, 仍然尚待考驗 ! 所以, 美政府唯一可以做的, 印銀紙 !! 只是取決時間表 ......市場預期在國債的發行出現滯銷後, fed會 開始購買長債, 釋放資金出市場,亦可以頂住國債價格 , 但溫總的信心言 論, 相信已經進一步打擊美國債的發行規模及時間表, 促使美國加快印銀 紙的時間表 !! ( 美國印銀紙 , 預示未來通脹來臨, 黃金會有支持, 而且美 股亦會出現支持力, 亦是小弟所預期的 "狂牛假象再現" 的重要因素! )
恒指方面 , 恒指在上星期中大戶出古惑殺熊及質匯豐的行動後, 令市場 出現一個反抗言論, 促使港交所暫停競價時段 ,而這措施現時睇可能是 一件好事, 但如果以大戶想係未來狂炒大市完成熊二期大反彈, 是一個
有預謀的造勢行動 ! 因為這時段取消 , 就會迫使沽空盤或補倉盤在市場 交易時段交易 , 成本會大增, 對大市亦有明顯支持 !! 故勿論這未來的事, 先講一講, 目前大市既方向 !
小弟在十二月尾所預測的09年第一季W型走勢 , 已完成 ( \/ ) , 但 ( \ ) 呢一點比小弟睇淡三月頭三星期, 而且相信會以兩個浪完成整個探底走 勢有出入 , 致使 ( \ ) 比小弟預測提前一星期出現反彈 , 睇chart 已明顯 出現 ( / ) , 變成第一季 W 型走勢初型形成, 但可惜這一個W 型不是小 弟所預期那一個下跌浪走勢 !! 前兩日, 小弟認為1月初的下跌浪,在11344 出現反彈, 好大可能是2浪反彈 , 2浪 50%位= 12660 , 完成反彈浪12970! 不過如果以整個浪計算 , 50%位 = 13553, 接近100天線 !
今日恒指收市12976 ,剛好完成2浪反彈 , 但仍然未完成整個下跌浪50%, 即13553 , 如果13553都不能升穿, 代表整個年初起既下跌浪, 仍然完整, 後市再破底既機會都有 ,只是在 11344多了一個強大支持力, 下一個最終 支持位在10676 ! 不過嚴謹一點, 可以在見頂後再計算中途的支持位 , 但現 時仍未知恒指能否再衝上 接近100天線 !!
相反保守一點, 再推上看一看這次反彈浪, 能否升上13553 後, 把整個浪在 14074 完成! 如果真的升穿13553 及 14074 , 那小弟真係成地眼鏡碎啦!! 竟然千計萬計, 比自己預期提早一星期開始反彈 ......雖然差不多點到小弟 認為要開始買貨位 11000-11300 , 但只是收市挨近, 根本程式盤也未買到貨!
如果以理論及趨勢等估值計算 , 這一次只是2浪反彈 , 皆因中資股需要再向 下大幅調整內在的溢價 ! 否則現時的估值, 已經屬於超買 !! 除非又有更多既 好消息出籠, 令大市有支持! 以中港資金流向, A 股成交已逐步萎縮, 港股卻 意外地出現偏強,相信因之前AH溢價擴闊, 資金開始追捧H股, 使溢價再縮窄, 相信這也是 一個 "局" ! 小心小心.........
目前睇, 匯豐的供股行動, 中移及交行今個星期揭開重磅股業績序幕, 而且配 合牛熊大莊先殺牛再殺活躍熊的行動後, 更高的大熊應該好難殺到, 反而向 下再隊谷底牛, 小弟認為機會更大 !! 而小弟的 4月狂牛假象再現 ,或許再等 下星期匯豐供股權買賣, 再作新一輪的分析 !
最後, 今日窩輪及牛熊証佔大市成交約22% ,上星期低成交佔 30% , 在利益 的權衡下 , 朋友們要注意跌勢而成交少, 就離底接近 ; 相反, 升浪成交大,高 位平穩或較大機會出現見頂回落, 而單日轉向是小弟認為在三月下半月最有 機會頂浪出現的走勢! 所以 , 無論看好或看淡的朋友, 注碼減少是最好既策略!
睇番外圍 , 今晚美股受到 "殘廢股" 迴光返照大升 , 能否點到7807點, 要拭目 而待! 不過升得急就會回落得急, 好多時都係相對 ! 睇杜指金融股比牛熊証 波幅仲大, 真係好擔心.............!! 或者資金憧憬SEC 又重施故技,限制沽空 金融股 ! 呢種改變遊戲規則 , 是小弟認為三大泡沫動力其中一點, 所以未來
六個月極睇淡的朋友, 真要小心 !