尋日恒指出現先跌後走高, 尾市見紅 , 形成"射擊之星" 既形態! 今日走勢卻牛皮,波幅只有百幾點, 成交減退!
主要受到市場等待今晚FOMC 會否公布購債時間表及提早印銀 紙買長債 ! 另外,匯豐明天舉行股東會,中移公布業績 , 美國四期 結算 , 美2, 5 ,7 年國債開售 等 !
外圍市場焦點在fomc , 如果提早購買長債或出一個時間表, 對後 市有影響! 因為市場普遍預期FED會最快在今年上半年開始購長債, 但到現時, 仍未有任何時間表公布, 所以期待今晚的會後公布!
另外, 匯豐供股,所引發的風波, 到底是好是壞, 有幾多股東會積極 供股都係未知之數 ! 因此, 匯豐股價出現比預期較強走勢, 反而令 人擔心 !因為,在未來會出現50億新股既情況下, 有上佳既沽空機會, 而且在42元以上企穩! 由於第一日除權價已是48元, 但股價只是在 46-42元徘徊, 在理論除權及股東減持用作供股等因素 , 現時沽盤 減少也可以理解, 下星期一供股權開售, 股價仍然能穩守在42元以上, 那更令人擔心! 這正正帶出一個信息, 包銷商擔心供股未如理想, 需 要拓價, 讓股東有信心! 但到4月3日供股限期後, 包銷商無論接貨多 與少, 匯豐股價下挫至供股價水平, 機會大大提高! 所以, 供股權的 價格走勢, 都可以反映包銷商的信心!! 而匯豐走勢, 也是對大市起 一個重要的指標 , 假如由42元跌至28 , 為恒指帶來既點數波幅高達
五百幾點 !
睇番技術走勢 , 尋日大部分重磅都出現射擊之星, 但今日都補番多 少跌幅及升回接近尋日高位, 所以這利淡走勢,到底反映大市見頂或 想再升完成整個下跌浪的走勢!
以今日恒指牛熊証, 活躍熊收回價大部分集中在13400-14000,而最 活躍熊在14200-14500 , 論交投方面, 投資者都比較進取, 相信預期 大市缺乏動力升穿13500 既比例較大! 而牛仔方面, 最高收回價11800,活躍牛集中在11000-11800之間, 由於缺乏更進取的牛証, 所以屬進取 交投! 如果以大莊利益, 推恒指向上至14000, 殺晒活躍熊既機會幾大, 但14200以上的熊仔,年期較近, 如果殺晒, 就會缺少承接力,不過未來
5日新牛熊証發行, 多數集中牛仔收回價在 11000點以下 , 以及德銀 出一排 行使價熊仔 14600-16200, 收回價應在13800-15400! 至於,期指 方面, 尋日未平倉減少千幾張, 但總數仍有近85000張, 而開倉集中在
12500-12800 , 現時無論在平均線走勢及殺熊方向, 都似想升上14000! 不過, 新牛証啟示, 大莊有D 似睇淡後市走勢, 紛紛發行低過11000點收 回價, 及為數不少及年期長的牛証, 行使價在10500點以下 .....!! 如果 大莊預期未來挾倉, 為何又要發咁低既牛仔呢? 有點令小弟對四月大升 既看法有點擔憂 ...! 而且, 預期4月會升至100天,奈何提早左?! 無非 真的有動力可以再挑戰更高位置 ????
依小弟之見 , 除非資金大舉進入股市, 以及改變遊戲規則, 否則現時論 資金流向及成份股業績表現, 估值高低等, 都係需要消除溢價 ! 所以, 小 弟仍然認為狂牛假象再現的走勢, 不是這一浪 ! 如果大戶做得咁狼死, 殺 埋D 活躍熊, 推上14000以上再回落, 那這一浪就係小弟二月尾所講既四 月反彈浪, 最少升至100天線......但仍未是 狂牛假象 , 皆因預期狂牛會衝 上今年高位 , 量度升幅, 可以升至2萬點, 不過在17800點會出現較大阻力! 但現時, 這條件仍然未出現 ....所以, 需要再等等 !!
假如, FOMC 今晚公布購債, 這意味市場會有新資金流入, 但美元會走弱, 短債及長債, 可能短暫走高, 但由於購買額不多, 會出現投資者急促出售 長債套現, 如果公布後, 美元偏強, 債價回軟, 那正正代表投資者沽債行動 加快 ! 由於, 資金投入股市既態度審理, 因此流向投資級既企債, 反而係 趨勢, 對未來股市有利 ! 另外, 美印銀紙, 市場預期未來通脹上升, 美元偏 弱,商品走高等預期,令經濟回穩, 從而使大量熱錢流入資產市場及股市既 走勢, 相信不會咁少出現, 因為這視乎印銀紙既量為出發點, 印得多,美元 價值跌得多, 預期通脹就會更高! 不過油價大幅抽升, 對美國消費型經濟 到底有幾多影響,預期會摧毀消費力 ! 令經濟走向 "滯脹" 既局面 ! 所以,未 來失業率會反映購買力的變化進度.....!
總結 : 小弟認為, 及預測, 大市會13500點止步 , 再向下深度調整, 部署最 大的反彈浪 , 最終令整個熊二期提早在第三季完成 !因此, 無論小弟預測 準確與否, 朋友們都需要量力而為, 小弟只是發表個人睇法, 只供參考而 已! 正所謂預測會受到突如其來既事件而變化, 在此留言並不能作即時的 反應, 所以小弟會傾向趨勢, 多於即日波幅 !! 但願今次反彈浪, 不是提早 一星期發生吧....否則...又要配幅眼鏡啦 ! 哈哈....