香港興建高鐵, 總成本 669億 , 當中有115億左右 係用黎興建西九龍既交通安排, 高鐵直接投資都係 554億左右. 有一點要注意, 亦係點解會咁貴 , 因為全程 26公里 都係 地下行 走 ! 26公里長隧道 , 又要配合高速行使, 所需負荷既建設要求比興建地鐵高. 如果以一個比較, 可以用 地鐵 上環至堅尼地城, 3公里長, 造價要154億. 同樣地底施工, 以堅尼地城段 每公里 51億 , 高鐵每公里21億左右.
高鐵討論左十年都有, 如果以2006年造價都係唔使 400億 , 可惜原材料價格 上升, 美元又 跌左好多. 扣埋呢d , 差不多! 未來美元大貶值, 想用669億興建, 難囉! 如果純以投資角度, 未來已經可以肯定通脹會大升, 美元貶值, 所以越早投資, 越可以受惠港元貶值既趨勢, 把將貶值既錢早d 投入基建, 呢種做法合乎理財守則.
至於, 投資高鐵, 值唔值得 ? 想一想, 用154億興建 3公里長既堅尼地城地鐵線 , 10萬人受惠, 值唔值呢? 香港未來要靠內地旅客帶動香港發展, 錢唔流入香港, 攬住d 錢都無用, 遲早用晒! 例如, 每年教育經費, 大約用600億 , 學生數目越來越少, 由以往精英教育既40,50人一班, 到小弟讀書時既40人一班, 宜家學生唔夠多, 唔想殺校, 又話小班教學, 目的何在呢? 為學生? 點解學生既成績一年不如一年呢? 誰之過 ? 學生麼 ? 都怪錢太多 ! 任何一個行業又好, 一個公司又好 , 錢太多就會無進步 , 人只會打錢既主意, 不思進取, 所以, 多年來諗來諗去都係點樣花盡每年600億經費, 而唔好好用心教導下一代 !
正所謂, 香港係不同地方都大花筒, 每年支出減少少就瓜瓜叫 , 正如阿爺留一間舖俾仔女, 如果d 仔女只係不思進取, 只係懂得守住間舖, 遲早被社會淘汰! 所以, 投資生財工具, 係經濟大輪既王道 ! 教育方面, 不斷投資設備, 校室有冷氣, 有led 電視, 學校有電梯, 連外牆又翻新 , 校服又換設計...連教學模式都要多用多媒體等等, 呢d 都係為下一代投資. 我們下一代政府在知識上落重本投資, 期望提高應合社會既學問, 有足夠既競爭力. 但如果一個社會, 推動未來發展既投資都無, 又落後在其他範疇既步伐, 到時學生哥在大學畢業後, 就無足夠既就業及專門職位提供, 到期畢業就失業!
而且, 香港已經無選擇, 正如小弟在文中提及, 優勢已逝去! 或者想一想, 香港有咩方面仲吸引到遊客呢? 點知外地人要千里迢迢來香港呢? 另外, 香港做生意, 有創造職位能力既人, 為何要為香港貢獻呢? 當你有樓時, 你想唔想層樓升值呢? 沒有樓既人 , 想唔想政府興建足夠公屋申請呢? 要工作, 要福利, 要方便, 要享受, 要權利, 統統都要錢 ! 錢唔會由天跌落黎, 要靠投資生財工具 , 好似擴建海洋公園, 興建港珠澳大橋 , 興建郵輪碼頭, 呢d 都係為香港創造投資環境, 製造職位 , 政府要不斷投資, 才能滿足人口增長, 就業增長! 高鐵呢項大額投資, 主要是要加入內地沿海高鐵網絡, 吸引更多人來港 , 以及又方便香港人去外地工作, 好多方面都有好處! 如果每一項投資都要一點一點去詳列, 無可能!
至於, 把總站建係 錦上路 , 花費會減半! 問題就同, 點解要起 西鐵呢 ? 屯門, 元朗已經有 輕鐵, 要出市區可以搭巴士呀, 或者搭去上水有火車! 都是很方便, 只係花多 少少時間而已! 香港人口集中在九龍及香港島, 至於沙田, 大埔 , 將軍澳 呢d 人流多既地方, 去錦上路同去西九龍, 那一個會快d ? 而且, 外來客大部分是香港賓客 , 難道要他們落腳 元朗, 再轉西鐵 ? 咁點解唔搭到福, 直接轉東鐵呢? 另外, 減少三百億, 只是坊間統計, 非有效及詳列的興建 , 做一份強而有力既報告, 要有建築上及實行上的數據支持! 所以, 減少一半費用, 只能當作估計!
我們把高鐵興建費用 669億, 看得太重! 卻很少會提及如何興建, 不用比較就好難知, 現時的工程是很貴! 或者我們只把內地武廣高鐵既興建費用作比較吧! 要明白, 武廣高鐵主要行走陸上, 而且, 國家收地很容易, 費用不高, 內地工程隊造價較便宜! 香港起高鐵收地, 成本好貴 ! 只是一個菜園村問題, 已經被政治化, 假如全程走陸上, 那收地更是 難以解決 . 爭論不休, 根本起不到! 就好似西九龍土地咁, 啟德舊機場用地, 十年啦 ! 仲嘈緊點發展 ? 唉....香港以前係四小龍首位 ,宜家........? 驚上海 , 驚新加坡, 人地已經不放香港作競爭對手!睇怕以後要以越南，胡志明市作比較啦!! 有時候 , 投資一個長遠基建, 為未來十年既規劃去投資, 呢種遠見唔係普通香港人能夠睇得到, 如果個個都有呢種眼界及視野, 咁就唔使驚啦!!
70 後又好, 80後又好, 為香港敢言敢表遠是好事 ! 但對一件事要表達時, 到底對件事有幾多了解 ? 做左幾多research ? 對來龍去脈有無作深入了解呢 ? 如果只係知表面, 其他都唔知道, 唔了解, 由以前既漠不關心, 突然件事成為焦點就去表態, 又去爭辯, 咁樣就會成為人云亦云 , 對自己及對香港都未必係好! 我們要關心社會, 要切底 , 貫徹始終 , 不要三分鐘熱度, 或者揀一,兩件在傳媒瘋狂報導上, 就去急急表態 ! 香港在政治文化 , 都是透過傳媒主導社會輿論 , 不斷出民意調查 , 呢d 調查點樣問問題, 點樣set 問題, 都是係想咩結果有咩結果 ! 小弟都時常接呢d 訪問電話 , 講真都係敷衍了解 , 姓乜名乜, 都係老作 , 問非所答 , 咁呢種調查都會有真實性咩?? 所以, 要對我們的香港 有抱負 , 就要問自己係咪真係關心社會先 ..? 對社會有幾多了解先 ? 大聲唔代表對香港好, 無聲亦唔代表唔關心香港 ! 事照我心, 言出必行 !